skip to Main Content
Menu
ክስተላኒ  ብራ

ክስተላኒ ብራ

ክስተላኒ  ብራ
    
           ጉባ  ዘሪኢት
ይና  ደሃይ  ዋሲስንን  ክስተላኒ  ብራ
ዲማ   ይና  ክል  ልድ   ድያኹ  ንግራ
ዲባ  እስኒን   ገድም  ደኳኹክ  ዓቅትራ
ምንኮር  ይነት  ቛላኹ  የሃው ውራ  ይራ
ፈላለይሰላ  ላሪ  ግን  ኤርትራ
  
         ሕሩያን  ይና  ቑርሲ  ኡኖ
         ታሚታኹማ  ስደትሊ  ትም  ይኖ
        ኣኻኹክ  ኣኽራሲ ቅብልድ  መርኪስኖ
        ውራ  ላገሽ  ጉነሊ  ኣባይሲ  ያዕይኖ
        ይናምራድ  ሰና  ሰገርነክ  ወንተርኖ
እዃርሳኹክ  ብራስ  ባረክ  ፋሕ
በሃርኻ  ጎሀዮ  ድማ  ይሮ  ኣሕ
እና  ይና  ሓለት ላኹድ  የላ  ቅሕ
እንዲስክ  ከፈልኖ  ንኪ  ኣኽኖ  ባሕ
         ኩብራ  ክስትጊን  እንፋ  ላኹ  ሰገሪ
         ኩገናት  እልብዲ  አይኢ  ላኹ  ወንተሪ
        ኩናንን ልድ  ፈሰና  ጥዕስትግሪን  ኣመሪ
       ኩገንድሰና  እስታኽስክ  በሰሪ
       እግርዶግን  ኣባይ   ኩናንተልግን  ኪሰሪ
ኣሪሪኹ  ኮኽራ  ኣኽጋኹ  ኩድ  ጋቢሮ
እቲ  ኒውሲ  ድምቶ  ኒብንልድ  ደኩስሮ
ኣውን  ኣኽራስግን  ኪደጋኹ  መንብሮ
ታሚትራማ  ዲማ  ኩብሪልድ  ፍሮ?!
             ኩመታን ግን  ፋርሳን እማና  ናክራ 
             ይቁር  ዩኑ  ደኩንኹ  ኣርእኒ  እግራ
             ናውክ  ላገሽ  ኣኽኖ  አይኢ  ኣክርን  ቑራ
              ንኪሩኹ  ጂቡኹ  ውራ  ኣኽን  ውራ
ጎሃያኹድ  ንኻ  እላኒ  እንቛራኹ
ኒቱሩኽ  ይናኹ ኰረኰምሱኽ  እዃራኽ
ገናኻ  ስራቲ  ብይሕኻ  እግራኹ
ኣበራ  ይናዳን  ይና  መታን  ክራኹ
           ዖኒል  ይናገንሲ  በራኸው  ምኺርስኖማ
           ኮዶ  ናን  ወንተርኖ  ኒል  መንደርትድኖማ
           ምንኮር  ዋስስትጋኹ  እምንድክ  ኣኽሮማ
           ሸባብ  ይስትናኽር ኸላስ  ይን  ትም  ይኖማ
        
 ይና  ኮል  ኣኽራሲ  ኣውን  ፍኖ
 ይና  ድገር  ሸኪል  ሆደ  ይኖ
 ካላ  ብልቱግ  ጉኽሲ  ላገሽ  ቑኖ
 እሞ  ኣቅትኹና  ነት  ህንብኖ?????
 ይና  ኮል  ኣኽራሲ  ኣውን  ፍኖ????

Leave a Reply

Your email address will not be published. Required fields are marked *

Back To Top