skip to Main Content
Menu
ወድ  ሕዳጋት  እደይ                  እብ  ሽፋ መ/ኑር

ወድ ሕዳጋት እደይ እብ ሽፋ መ/ኑር

 

ወድ  ሕዳጋት  እደይ

                 እብ  ሽፋ /ኑር

 

ወርሳይ  ሴፍ  ኣቡሁ  ወድ ሕዳጋት እደይ

ናዩ  ኢኮን  ተሓቲት ኣከይ  ንየት ዎሕሰይ

ምን ሓርስ ዲብ ሃረሞ ዎላሊ እትማህሰይ

እንደ  ኣኽባር  ሃቡኒ ኣያ  ሃላ  ግንደይ

ስነት  ዓንጃ  ግሉል እሙር  ምና  መዓደይ

 

                        ወሬዛ  ገረማን   ጋምል  እብ  ሸሊላ

                      ሻካት መሓዝ ዓድና  ጥሉል  ለሕሊላ

                  ወለት  ድገ  ዳመር  ኦፐል  ዎባሊላ

                       ዝብደት  እትራእሳ  ሓንተ  ዓዳይ  ዎቅስላ

                       ቀደም  ልግባእ ዎኣዘ  ኢትረአት መስላ

 

እብ  ቱግራቱ  ምን  ዔላ  ንዋዩ ላእሰተ

እምባሕ ትብል  ኣሓሁ  ሓተ  ኣሰር  ሓተ

ሓመልማል ልብላ ህቱማ እላ  ፈተ

ኣባይና  ውኣባዩ ዲማ ምንሕድ  ልትፈንተ

ወድ  ሕዳጋት  እደይ ምዶል ለዓድ  ላኣተ

 

                 እግል  ምኑ  ለዓቡ  ወቀይ  ለዳገማ

                ግል  ሽኮል ዎገልሒት  መሰለሪ  ግደማ

                 ዋለት  ወለት  ዳመር  ገናደላ  ቀደማ

                 ሕልብየ  ልትበሃል ዋህቱ  ልብል ይማ 

                 ኣያ  ገሳ  ዮም  ዲብ  ገብእ  ገማ

                 ወድ  ሕዳጋት  እደይ  ግልሚ ኢሳገማ

 

          ሻነት  ወለት  ዓዱ   ኩሉ  ልቡ  ፈትያ

          ዲብ  ኣካን  ሕሽመት ህቱ  ለከርያ

          ሕርመት  እንደበላ  እብራሕመት  ልርእያ

          ኣከይ  መዓመልት  ሰማ  ኢወድያ

          ኮንዶም  ዎሸለትት እቡ  ኢመልያ

          ቤት  ምንላሓዘ  እብዓቅድ  ሃድያ

          ወድ-ሕዳጋት  እደይ  እብ  ፍቲ  ሳርያ

 

                 ረፍዓይ  ዓባዪ ናይ  ድግለሊት ዎድግለል

                 መድሓሮም ለፈተ  ኣፈቱ  ግልትጥለል

                 ክሑል ለ ዕንታቱ  እብጠቢዓት መለል

                 ኣያ ሃላ ዮም  ኮፎ ገብኣ  ለተለል

                ምን  ሃላ  ዲብ  ድገ እሉ  ኢሰፋለል

 

  ከበር  ሰዓር ግልድለ እት ባሓር  ለሓገ

  ኤተቢት ምን  በርቅ ዓይር  እታ  ድገ

  ሓቆ  ስቅራት ኣብሰላብ ኣማን  ለልትሃገ

  ላሊ  ልግባእ  ዎኣምዕል ግል ኣፍያቱ ሸገ

   እት  እድንያ  ኢሃላ  ምና  ልቡ  ለነገ

 

                  ምስል  ስናት ልተልሀ  ኣላሂበ ዎድርቦብ

               ንዋይ ዓቅብ ምን ህመም እታ ቃበት ናይ ሽንቦብ

               ህጅክ ምስል ዳውሪት  ሓንተ  ቅስላ ዎላሎብ

                   እታ  ብሩድ ሸማሉ ዕዛል  ዓዳይ  ወሰሮብ

                  ወድ  ሕዳጋይ  እደይ  ሰፋለለዩ  ገሮብ

 

እታ ከትፉ  ሴፍ ዎእትከቦሁ  ሰኪን

ወለፍ ኣቦት ልዛበ  ምን ኣክስን ደካኪን

ሰኒ  ዕሹርቱ  እግላ  መሳኪን

ሓራም  ኢልደረክ  ሓቆ ቀንጻ ላኪን

 

              ኮናት  እትእደሁ ዎዲብ በለማት  ግድቡ

               እብ  ኣትሓላይ  ዓቢ  ሰፈሮክ  ገለቡ

             ባትክ  ጎማቱ ሰባት  እትልቡ

           ወድ ሓዩት ሕሹማም  ኤርትርያ መስከቡ

           ወድ-ሕዳጋት  እደይ  መስሉ  ኣለቡ

 

ሃላ ልሳዕ ዮምማ ክማ በዲር ናይ ሰልፍ

ህቱቱ  ኣዘማ  ጸልዓት  ሻዕቡ ለሰፍፍ

ኣንብዕ  እሙ   ኣቦቱ  እምበል እቡ ኢደፍፍ

ወክቱ  እንደነስኣ  ጸገም  በድሩ ሓልፍ

ዲማ  ነብር  ኣለቡ ታእሪኽ  ሰኒቱ ለተርፍ

 

          ዓጀብታ  እድንያ ግልሑ  ነክሩ

         ስር  ሓዮት  ወሞት  ርቢቱ ላለኣምሩ

         እግላ  ሕሙማ በዓል ኣጀል በድሩ

        ሰኒ  ንየት ናይና ምስል  ናኣትሓብሩ

       ወድ-ሕዳጋት እደይ እብ ስላም ልንበሩ

 

Leave a Reply

Your email address will not be published. Required fields are marked *

Back To Top