Main Menu

ኣባይኪ ኣባይኪ ስራይ

                  ኣባይኪ  ኣባይኪ  ስራይ

     ከቦታያ  ቀጢን  ሻነት  እንቲ

      ስጋድ  ዓርኮከባይ  ሓሊብ  ሳቲ

      ኣስክ  ምዶል  ክምእና  እትፍንቲ

      ምስልኪ  ብና  ሕና  ፍቲ

 

                 ኣጭፋር  ኣሽከለላ  ግሩም  እገር

                 ዕንታት  ለኣትረዋርሕ  ጃህራይ  ዓስተር

                 ረማ  መትፈናታይ  ሚልትበሰር

                 ኣባይና  ዎኣባይኪ  በንበን  ልንበር

 

 ሰፋለለዩ  ገሮብና  ኣትናቃድኪ  እብሖጀብ

ረማ  መታካይ  ምን  ረጀብ  እትረጀብ

ከፈና  ሞላየ  እትሕድ  ውደና  ሓሰብ

ወለት  ድገ  ዳመር ግልናቅብላ እብ ዓጀብ

            ተሓት  ምን  ንደረ  ግልኪ  ሰዓድያ

            ዎለዓል  ምን  ናቅሎለ  ምስልኪ ምንያ

            ኣያ  ሃላ  ጎኪ  ሰሓቅ  ዎትልህያ?

            ሃጋይንኪ ቀትለና   ለኣዳም ኩሉ  ፈትያ

ክብት  ወለት  ዓጀ  ዝብደት  እትረኣሳ

ከብድ  ዓዳ  ዎኣዳማ  ህዲት  እብ ደለሳ

እደይኪ  ለሓምል  ግልና  ለጣሰሳ

ፍቲና  ምስልኪ  ልሳዕ  ኢትከለሳ

        እብ  ንእሽኪ  ሕት  ዎምንትዓቢ  ይማ

         ራሕመትኪ  ነብራቱ  ጥዑም  ተማታማ

         ኣካንኪ  ውቁልቱ  ፍንገ  ጃህራይ  ዎከማ

       ረቢ  ምን  ሰልመና  ናኣቅብለኪቱ  ኣዘማ

ነብራ  ላእሉ  ሃብኪና  ሃላ  ዲባ  ደምና

እሊ  ለእሉ  ገባእኪ   ፈኪ  ኢኮን  ክምእና

እግልንሳግምቱ ኣስኪ  ሕድ  እንደጸበጥና

ኣባይኪ  ኣባይኪ  ሻነት  ወለት  ድገና

             ዲብ  ፍንገና  ለዓላ  ታኣመራ  ኣባይ

            መትከማካም ቱ ገድም  እግልስነ ሞዳይ

            ከፈና  ከፈና  ምንሕድ  መትፈናታይ

           ኣባይኪ  ኣባይኪ  ኣባይኪ   ስራይ

መትፈናታይ  ምስልኪ  መራ  ሰኒ  ኢጣዕማ

ተኣመራ  ገድም  ግልና  እኩይ  ለገማ

ኣና  ዎግራየ  ዊሒዝ  እንደበላ  ለጠልማ

ኣባይኪ  ኣባይኪ  ስራይ  እብ  ኣሻማ

         ኣቡ  ያረድ






Leave a Reply

Your email address will not be published. Required fields are marked *